kali ini kita akan membahas apa arti kata Pamali di dalam Bahasa Banjar, Pamali merupakan bahasa lisan yang isinya berupa larangan atau pantangan. Menurut sebagian masyarakat Banjar pamali dianggap sebagai mitos karena kehadirannya diyakini sebagai suatu kepercayaan turun temurun yang bersifat sakral yang tidak boleh dilanggar, karena apabila dilanggar maka berakibat buruk.(https://www.jurnalstkipbjm.ac.id)
Berikut ini ada 10 hal Pamali yang tidak boleh kamu lakukan, 10 Pamali ini berkaitan kepada keagamaan:
Pamali bajalanan pas tangah hari Jumahat, babahaya
Pamali banyu mata gugur ka awak urang mati, kaina urang matinya bisa kasakitan
Pamali basuruy malam, bisa gugur iman
Pamali duduk sambil mamaguti lintuhut, sama lawan mahadapi api naraka
Pamali guring imbah Asar, kaina pas tuha bisa gagilaan
Pamali guring tangah hari Jumahat, panggaringan
Pamali guring waktu sanja, kaina garing bangat
Pamali lintuhut disatuakan ka dagu pas lagi duduk, panyakit hati
Pamali manyimpan baju urang nang sudah mati, kaina urang nang sudah mati itu mamakai baju buruk di akhirat.
Pas barabah, pamali batis maninjak kiblat, badusa ganal.
Pamali berkaitan dengan Rezeki:
pamali makan kada habis, bisa mati maninggalakan hutang
Pamali makan kada talah atawa kada habis, kaina balaki balu
Pamali mambiarakan baras tahambur di lantay, bisa mawaris fakir miskin
Pamali bahamburan nasi waktu makan, rajaki bisa tahambur-hambur ka lain
Pamali banyu susu di awak titik ka hadapan anak, anaknya mun sudah ganal bisa jadi urang ‘nakal’
Pamali banyu susu di awak titik ka lantay, karing banyu susu
Pamali mahabisakan baras di padaringan, habis rajakinya
Pamali yang berkaitam dalam memfungsikan suatu benda:
Pamali mambasuh tangan lawan banyu di cangkir, bisa mawaris fakir miskin
Pamali mamainakan lading pas tangah hari Jumahat, kaina mun luka bisa kaluar masigit
Pamali mamainakan sinar matahari di caramin, rumahnya bisa kabakaran
Pamali mambarasihi sapida motor lawan lap lantay, kaina kandaraannya bisa baranjahan
Pamali mambuang tatakan kuku di lantay, kaina mati maninggalakan hutang
Pamali masuk ka dalam rumah jalan lalungkang, rumahnya rancak kamalingan
Pamali masuk ka dalam rumah jalan lalungkang, bisa mati badarah
Pamali talalu rancak bacaramin, muha kada bararay
Urang batianan pamali badiri atawa baduduk di muhara lawang, bisa ngalih baranak
Urang bujang pamali barabah di gaguling, tahalang jodohnya
Pamali guring babantal gaguling, bisa kahilangan urang nang disayangi
Babinian bujang pamali maandak wancuh di dalam panci nang batutup, bisa lambat balaki
Pamali maandak wancuh di dalam panci nang batukup, bisa mati dalam panjara
Pamali urang batianan maandak wancuh di dalam panci nang batukup, bisa ngalih baranak
Babinian bujang pamali duduk di tangga, kaina lambat balaki
Pamali bacaramin sambil barabah, bisa ditémbak patér
Pamali bacaramin sambil barabah, bisa karindangan saurangan
Pamali badiri atawa baduduk di muhara lawang, kaina lambat balaki
Pamali bagandang di meja atawa di tawing, bisa mangiyaw hutang
Pamali bapayung di dalam rumah, sama lawan mamayungi urang mati
‘jangan berpayung di dalam rumah, karena sama halnya dengan memayungi mayat’
sumber: http://budaya-urangbanjar.blogspot.com/p/pamali-banjar.html
Post a Comment